"Ливерпуль" бош мураббийи Юрген Клопп ҳужумчи Муҳаммад Салоҳ янги шартнома имзолаганидан сўнг ўз ҳис-туйғулари билан ўртоқлашди. Мутахассис мисрликнинг инглиз клубидаги энг яхши йиллари ҳали олдинда эканлигини такидлади.
"Мен жуда ҳурсандман. Бу биз учун ҳам, унинг учун ҳам энг яхши ечим. Энди у бутунлай бизга тегишли. Бу унинг клуби. Албатта, музокаралар бироз вақт олди, лекин бу мутлақо нормал ҳолат. Энг яхши йиллар ҳали олдинда. Салоҳнинг бу ердаги дастлабки беш мавсуми афсонавий эди", - дея Клоппнинг сўзларини келтиради "Ливерпуль" матбуот хизмати.
Клопп, шунингдек, футболчининг жуда қаттиқ ишлаши ва машғулот ўтказиши ҳамда жисмоний жиҳатдан кучли футболчи эканлигини айтди.
Бугун, 1 июл куни Салоҳ "Ливерпул" билан узоқ муддатли шартнома имзолади. 30 ёшли футболчи 2017 йилдан буён жамоада ўйнаб келмоқда. Унинг аввалги шартномаси 2023 йилнинг ёзига қадар тузилган.
