Муҳаммад Салоҳ "Ливерпуль" тарихида рекорд даражадаги маош оладиган бўлди.
1 июль куни 30 ёшли мисрлик мерсисайдликлар клуби билан 2025 йилгача мўлжалланган янги шартнома имзолади.
"Ливерпуль" футболчига ҳафтасига 350 минг фунт стерлингдан кўпроқ маош тўлайди, деб хабар беради The Telegraph.
Салоҳнинг шартномасида шахсий ютуқлари, голлар ва узатмалари учун қўшимча бонуслар ҳам мавжуд.
Ўтган мавсумда вингер клуб сафида 51 та ўйинда майдонга тушиб, 31 та гол урди ва 15 та голли узатмани амалга оширди.
Салоҳ "Ливерпуль"га 2017 йилда "Рома"дан келиб қўшилганди.
