Muhammad Saloh "Liverpul" tarixida rekord darajadagi maosh oladigan bo‘ldi.
1 iyul kuni 30 yoshli misrlik mersisaydliklar klubi bilan 2025 yilgacha mo‘ljallangan yangi shartnoma imzoladi.
"Liverpul" futbolchiga haftasiga 350 ming funt sterlingdan ko‘proq maosh to‘laydi, deb xabar beradi The Telegraph.
Salohning shartnomasida shaxsiy yutuqlari, gollar va uzatmalari uchun qo‘shimcha bonuslar ham mavjud.
O‘tgan mavsumda vinger klub safida 51 ta o‘yinda maydonga tushib, 31 ta gol urdi va 15 ta golli uzatmani amalga oshirdi.
Saloh "Liverpul"ga 2017 yilda "Roma"dan kelib qo‘shilgandi.
