Жанубий Корея терма жамоаси ҳужумчиси Ку Чжа-Чол яна бир йил "Аугсбург"да қолар экан.
Футболчи ҳуқуқий жиҳатдан "Вольфсбург"га тегишли, "Аугсбург"да ижара асосида ўйнаётганди. "Бўрилар" футболчини яна ўз сафларига қайтаришга ҳам яқин тургандилар.
"Менда бир нечта вариантлар бор эди" - дейди футболчи - "Вольфсбургга қайтишим ҳам мумкин эди. Аммо клуб раҳбарияти менинг Лондондаги олимпиадага боришимга рухсат бермади. Бу турнир мен учун жуда муҳим, шунинг учун бир йил яна "Аугсбург"да қолишга қарор қилдим"
Эслатиб ўтамиз, Ку Чжа-Чол "Аугсбург"га қишки трансфер ойнаси чоғида ўтганди ва ўн беш ўйинда майдонга тушиб, бешта гол киритишга муваффақ бўлган.
