Доменико Кришито яна Италия терма жамоасига қайтишга тайёр эканини маълум қилди. "Зенит" ҳимоячисининг Италияда рўй бераётган келишилган ўйинлар борасидаги жанжалларга алоқаси борлиги ҳақидаги хабарлар чиққач, бош мураббийи уни таркибдан четлатилганди. Футболчининг айби исботланмади ва энди, у терма Европа чемпионатига "Ювентус" ҳимоячиси Барцальи ўрнига боришни истаяпти.
"Менинг терма жамоадан четлатилишим ҳақида қарор қабул қилинганда, Пранделли менга, мабодо кимдир жароҳат олиб қолса, таркибга қайтишим мумкинлигини айтганди. Федерация вице-президенти Деметрио Альбертини ҳам бу суҳбатнинг гувоҳи бўлганди. Мен Барцальи учун жуда афсусдаман, лекин ёрдамим керак бўлса, терма жамоага қайтишга тайёрман" - деди Кришито.
Эслатиб ўтамиз, 31 ёшли Андреа Барцальи соғлиғида муаммолар пайдо бўлган ва врачлар унинг ўзига келиши учун 20 кун керак бўлишини айтгандилар.
