Мадриднинг "Реал" клуби ярим ҳимоячиси Лука Модрич Чемпионлар лигасининг 1/8 финалида "ПСЖ"га қарши ўйинни эслади. Эслатиб ўтамиз, икки учрашув якунига кўра “қаймоқранглилар” 3:2 ҳисобида зафар қучган эди.
“Мессини бошқа либосда кўриш ғайриоддий эди. Неймар ва Мбаппе биринчи ўйинда уларга устунлик беришди, бироқ биз ўз ритмимизни топганимизда, биз уларни шунчаки янчиб ташладик", - дея хотирлайди хорватиялик футболчи Sportske Novosti билан суҳбатда.
Эслатиб ўтамиз, май ойи охирида "Реал" финалда "Ливерпул"ни мағлуб этиб, ўн тўртинчи марта Чемпионлар лигаси ғолиблигини нишонлади. Кубок йўлида "қаймоқранглилар" "Челси" ва "Манчестер Сити"ни ҳам турнирдан чиқариб юборишди.