Франческо Тоттининг айтишича, у Криштиану Роналдунинг "Манчестер Юнайтед"дан "Рома"га ўтиши ҳақидаги миш-мишларни ҳеч қачон жиддий қабул қилмаган.
Эслатиб ўтамиз, Италия матбуоти аввалроқ португалияликнинг Жозе Моуриньо жамоасига ўтиши мумкинлиги ҳақида ёзган эди.
«Роналдунинг «Рома»га ўтишига ҳеч қачон жиддий ишонмаганман. Гап шундаки, мен ҳозирги вазиятни биламан. Лекин бу рост бўлса, ажойиб бўларди, «Рома» мухлислари ҳаяжонга тушишарди», - дейди Тотти.
Эслатиб ўтамиз, Криштиану Роналду ушбу трансфер ойнасида "Манчестер Юнайтед"ни тарк этиши мумкин, чунки у ўзини лойиҳанинг муҳим қисми сифатида ҳис қилмаяпти.