"Рома"нинг собиқ ҳужумчиси Франческо Тотти Пауло Дибаланинг Туриннинг "Ювентус" клубини текинга тарк этгани ҳақида гапирди.

“У билан боғлиқ баъзи нарсалар содир бўлди, шундан кейин унинг жамоада қолиш имкониятлари пасайди. 

Дибала бошқа жамоага ўтяпти, очиғи, қайсилигини билмайман. У "Рома"га ўтишига умид қилгандим. У клуб билан гаплашди, лекин мен ҳеч қачон музокаралар тафсилотларини билмайман", - дейди Тотти.

Эслатиб ўтамиз, Миланнинг "Интер" клуби ҳамон Дибаланинг трансфери бўйича фаворит бўлиб турибди, бироқ томонлар маош борасида ҳали муросага кела олишмаяпти.