"Челси" "Манчестер Сити" ҳужумчиси Рахим Стерлингга қизиқиш билдирмоқда. "Кўклар" англиялик футболчи учун 50 миллион евро тўлашга тайёр, деб ёзади журналист Николо Скира.
Футболчининг ўзи Лондон клубига ўтган тақдирда 2027 йилгача шартнома имзолайди.
Олдинроқ "Сити" "Челси"га ҳужумчини шу ёзда сотишга тайёрлиги ҳақида маълум қилгани ҳақида хабар берилганди.
Ўтган мавсумда Стерлинг "Сити" сафида 47 та ўйинда майдонга тушиб, 17 та гол урди ва 5 та голга ассистентлик қилди.
Ҳужумчининг Манчестер клуби билан шартномаси 2023 йилнинг 30 июнига қадар тузилган.
