"Аталанта" "Интер" ҳужумчиси Андреа Пинамонти билан шартнома имзолашга яқин турибди, деб ёзмоқда журналист Николо Скира ўзининг Twitter саҳифасида.
23 ёшли италиялик бергамоликлар билан шахсий шартнома шартларини келишиб олган. Яқин кунларда ҳар икки клуб босслари келишувни якунлайдилар. Олдинроқ "Интер" ҳужумчини 18-20 миллион евро эвазига қўйиб юборишга тайёрлиги хабар қилинганди.
Пинамонти ўтган мавсумда "Эмполи"да ижара асосида ўйнади. А Серияда у 36 та ўйин ўтказиб, 13 та гол ва 2 та голли узатмани амалга оширган.
Пинамонтининг шартномаси 2024 йилнинг июнигача мўлжалланган.
