"Бавария" ҳужумчиси Серж Гнабри фаолиятини Англияда давом эттириши мумкин, дея хабар беради Star Sunday.
Манбага кўра, 26 ёшли германиялик футболчига "Арсенал" ва "Манчестер Юнайтед" даъвогарлик қилмоқда. Айнан Лондон клубидан ҳужумчи "Бавария"га ўтган эди. Клублар футболчи учун тахминан 46 миллион евро тўлашлари керак бўлади.
Олдинроқ "Бавария" Гнабрини асосий таркибдан чиқариб юбориши мумкинлиги, чунки футболчи шартномани узайтиришдан бош тортаётгани ҳақида хабар берилганди.
Гнабри 2018 йилдан бери "Бавария"да ҳаракат қилади. Ўтган мавсумда ҳужумчи 45 та ўйинда майдонга тушиб, 17 та гол урган ва 10 та голга ассистентлик қилган.
