Аввалроқ Италия терма жамоасининг ҳужумчиси Марио Балотеллиинг жароҳат олганлиги ва кейинроқ жароҳатнинг жиддий эмаслиги ҳақида хабарлар бериб ўтган эдик.
Энда бўлса, унинг Евро-2012га бора олмаслиги мумкинлиги тўғрисида хабар тарқалди.
4 июнь куни тиззасидаги оғриқ туфайли машғулотни эрта тугатган Марио, 5 июнь куни енгил машқлар бажарди. Унинг ва ҳимоячи Андреа Барцальининг Европа чемпионатига бориш-бормасликларини шифокорлар жума куни аниқ айтадилар, дея хабар беради Football Italia.