"ПСЖ" "Интер" ҳимоячиси Милан Шкриньярга қизиқишда давом этмоқда. Журналист Фабрицио Романонинг сўзларига кўра, клублар келаси ҳафта музокараларнинг янги босқичини ўтказишади.
“Интер” аввалроқ парижликларнинг ярим ҳимоячи Юлиан Дракслер ва 60 миллион евролик таклифини рад этган эди.
Парижликлар яқин орада Италия клуби раҳбарияти билан 27 ёшли футболчининг трансфери борасида келишувга эришишларига ишонч билдирмоқда.
2021/22-йилги мавсумда Шкриньяр “Интер” сафида 48 та ўйинда майдонга тушиб, 4 та гол урди. Ҳимоячининг клуб билан амалдаги шартномаси 2023 йилнинг июнь ойи охиригача амал қилади.
