"Манчестер Юнайтед"нинг португалиялик ҳужумчиси Криштиану Роналду бошқа клублар билан келиша олмаяпти, деб ёзди журналист Фабрицио Романо.
Манба берган хабарга кўра, "Бавария", "Челси" ва "ПСЖ" португалияликни сотиб олишдан бош тортган. Аввалроқ Роналду манкунианликларнинг трансфер сиёсатидан норози экани хабар қилинганди. Шу билан бирга, ҳужумчи клубдан уни ултиматум сифатида сотишни талаб қилмоқчи эмас.
37 ёшли Роналду ўтган мавсумда барча турнирларда 39 та ўйинда майдонга тушиб, 24 та гол урди ва 3 та голга ассистентлик қилди. Унинг "Манчестер Юнайтед" билан шартномаси 2023 йилнинг ёзига қадар мўлжалланган.
