Италия футбол федерацияси Италияда яна авж олган коррупцион можаро туфайли Европа чемпионатини ўтказиб юборишга мажбур бўлган, терма жамоаси ҳимоячиси Доменико Кришито билан боғлиқ масалага ойдинлик киритди.
Гап шундаки, Италия терма жамоаси ҳимоячиси Андреа Барзальи машғулотлар жараёнида жароҳат олган ва мусобақани ўтказиб юбориши аниқ бўлгани учун, унинг ўрнига Доменико Кришитони чақирилиши борасида хабарлар тарқалганди.
Аммо, Италия футбол федерацияси расмийлари, айнан Кришитонинг Барзальи ўрнига чақирилишига рухсат бермаган.
Маълумотларга қараганда, терма жамоа врачлари 7-июнь куни Барзальи якуний тиббий кўрикдан ўтганидан сўнг қарор қабул қилишади. Агарда футболчи мусобақа давомида сафга қайта оладиган бўлса, у ҳолда терма жамоа эаявкасида қоладиган бўлди. Агарда унинг мусобақага бормаслиги аниқ бўлса, унинг ўрнига "Кальяри" ҳимоячиси Давиде Астори мусобақага боради. Астори бу борада, федерация расмийлари томонидан огоҳлантирилди.
