"ПСЖ"нинг янги бош мураббийи Кристоф Гальтье жамоа ҳужумчи Неймарнинг қолишини истамоқда.
Бугун, 5 июль куни Галтье Париж жамоасида Маурисио Почеттинони алмаштириб, 2 йиллик шартнома имзолади.
“Неймар биз билан қолишини истайман. Бу жаҳон даражасидаги футболчи, дунёдаги ҳар қандай мураббий ихтиёрида Неймар тоифасидаги ўйинчилар бўлишини хоҳлайди”, деди Гальтье матбуот анжуманида.
Неймар 2017 йилнинг августидан буён "ПСЖ" сафида тўп тепади ва ўтган мавсумда Париж сафида 28 ўйинда 13 гол ва 8 голга ассистентлик қилган. Transfermarkt.com портали 30 ёшли бразилиялик футболчининг нархини 75 миллион еврога баҳоламоқда.
Аввалроқ Неймар "Челси"га ўтиши мумкинлиги ҳақида хабарлар тарқалган эди.
