"Милан" сафини эркин агент мақомида тарк этиб, "Барселона" билан шартнома имзолаган Франк Кессиэ янги жамоаси ҳақида гапирди.
"Мен бу ажойиб клубга бор кучимни беришни истайман.
Бу ажойиб имконият ва "Барселона" ажойиб жамоа. Мен бу ерда эканлигимдан хурсандман ва мен бу буюк клуб учун қўлимдан келганини қилишни хоҳлайман.
Менинг кумирим Яя Туре. Мен у билан терма жамоада ўйнаш шарафига муяссар бўлдим ва у каби яхши карьерага эга бўламан деган умиддаман", - деди Кессиэ клуб расмий саҳифасига.
Эслатиб ўтамиз, ивуарлик футболчи каталонияликлар билан 2026 йилгача мўлжалланган шартномага қўл қўйди.
