Мюнхеннинг "Бавария" клуби "Наполи"нинг нигериялик ҳужумчиси Виктор Осимхенга қизиқиш билдирмоқда, деб хабар беради Correira Dello Sport.
Манбанинг хабарига кўра, клублар раҳбарлари нигерияликнинг эҳтимолий трансферини муҳокама қилишган. Италия клуби футболчини 110 миллион еврога баҳоламоқда. "Бавария" учун Осимхен "Барселона"га ўтмоқчи бўлган польшалик ҳужумчи Роберт Левандовскининг ўрнини эгаллаши мумкин.
23 ёшли Осимхен ўтган мавсумда "Наполи" сафида барча турнирларда 32 ўйинда майдонга тушиб, 18 гол урди ва 6 голга ассистентлик қилди. Унинг клуб билан шартномаси 2025 йилнинг ёзига қадар мўлжалланган.
