Италия терма жамоаси ҳужумчиси, эндиликда эркин агент ҳисобланган Андреа Белоттига бир вақтнинг ўзида бир нечта Европа клублари қизиқиш билдирмоқда.
Инсайдер Николо Скиранинг сўзларига кўра, "Монако" 28 ёшли италиялик футболчи учун асосий даъвогар саналади, ҳужумчи у билан шартнома шартларини келишиб олган. "Рома" ва "Ницца" клублари ҳам Андреага даъвогарлик қилмоқда. Бу икки клуб монегаскликларнинг Белотти билан шартнома имзолашига йўл қўймасликка ҳаракат қилади.
Сўнгги етти йил давомида ҳужумчи ўз ватанида “Торино” сафида тўп сурди. 2021/2022 йилги мавсум якунида ҳужумчининг клуб билан шартномаси якунига етди ва у эркин агент сифатида жамоани тарк этди.













