Марокашлик вингер Ҳаким Зиеш жорий трансфер ойнасида "Челси"ни тарк этишга қарор қилди. Журналист Фабрицио Романонинг ёзишича, футболчи Италия А Сериясига, аниқроғи, "Милан"га ўтишни ўйламоқда.
Зиеш "россонерлар" раҳбариятини ўз хоҳиши ҳақида аллақачон маълум қилган. Италия чемпиони ҳам футболчига қизиқиш билдирмоқда ва энди “кўклар” билан шартнома шартлари бўйича музокаралар олиб бормоқда.
Ҳакимнинг лондонликлар билан амалдаги шартномаси 2025 йилнинг ўрталарига қадар тузилган. 2021/2022 йилги мавсумда марокашлик футболчи барча мусобақаларда 44 та ўйинда 8 та гол урди ва 5 та голли узатмани амалга оширди.