Дарвозабон Пепе Рейна шартномаси муддати тугагач, “Лацио”ни тарк этди. 39 ёшли испаниялик футболчи римликлар сафида 2020 йилдан буён ўйнаб келаётган эди. У клуб сафида 54 та ўйинда майдонга тушган.
Шу тариқа, “Лацио” асосий ва иккинчи дарвозабонсиз қолди. 2021/22 йилги мавсум якунида албаниялик Томас Стракоша ҳам клубни эркин агент сифатида тарк этди.
Айни дамда римликлар сафида фақат учинчи дарвозабон – литвалик Мариус Адамонис бор.
Олдинроқ "Лацио" "Челси" дарвозабони Кепа Аррисабалага ва "Аталанта" дарвозабони Марко Карнесеккига қизиқиш билдираётгани ҳақида хабарлар тарқалган эди.
