Евро-2012 нинг илк кунида ўтадиган иккинчи учрашув — Россия ва Чехия терма жамоалари ўртасида баслашувни бошқаришни англиялик ҳақам Ҳовард Уэбб бригадасига ишониб топширишган.
Эслатиб ўтамиз, Уэбб сўнгги Жаҳон чемпионати финалини бошқарган эди. Мана, бир неча йилдирки Ҳовард Уэбб Англиянинг энг яхши ҳаками статусини ўзида сақлаб келмоқда.
Россия – Чехия учрашуви турнирнинг илк куни – 8 июнда, очилиш учрашуви Польша –Грециядан сўнг Вроцлавдаги шаҳар стадионида Тошкент вақти билан 23:45 да бошланади. 40 ёшли Уэббга қанотлар ва дарвоза ортларида Майкл Мулларкей, Питер Киркап, Мартин Аткинсон ва Марк Клаттенбург ёрдам беради.
