Ҳожимат Эркинов «Пахтакор»ни тарк этди. Бу ҳақида футболчининг ўзи Instagram саҳифасида маълум қилди.

"Бугун «Пахтакор» жамоаси билан хайрлашаман. Мен учун бу жамоа энг кучли ва энг севимли бўлиб қолмоқда. 10 ёшимдан буён «Пахтакор»даман ва шу вақт ичида шуни айтишим керакки, кўпчилик ўз кучини, меҳнатини сармоя қилди ва мен улардан чексиз миннатдорман! Барча мухлисларга, мураббийлар ва ҳамкорларга, жамоа аъзоларига раҳмат!", — дея ёзди Ҳожимат Эркинов.

Аввалроқ Ҳожимат Эркиновга Москванинг «Торпедо» жамоаси қизиқиш билдираётгани хабар қилинганди. 21 ёшли футболчи тез орада жамоа билан шартнома имзолаши мумкин.

Эркинов «Пахтакор» тарбияланувчиси ҳисобланади. Футболчи фаолияти давомида «Қўқон-1912», АГМК ва «Пахтакор» каби жамоаларда тўп сурган. Жорий мавсум «шерлар» сафида 11 та ўйинда иштирок этиб, битта гол ва битта голли узатмага муаллифлик қилган.