"Милан" клуби ҳужумчи Оливье Жиру билан шартномани узайтирмоқчи, дея хабар беради Footmercato. Томонлар янги келишув бўйича музокараларни бошлаб юборишган.
Янги келишув 2025 йилнинг июнигача амал қилиши мумкин. 35 ёшли ҳужумчининг амалдаги шартномаси келаси мавсумда якунига этади.
Жиру ўтган ёзда "Челси"дан "Милан"га ўтган эди. 2021/22 йилги мавсумда франциялик ҳужумчи барча мусобақаларда 38 та ўйинда майдонга тушиб, 14 та гол урди ва 3 та голли узатмани амалга оширди.
"Милан" таркибида у ўтган мавсумда Италия чемпионига айланди.
