Туриннинг “Ювентус” клуби “Бавария”нинг нидерландиялик ҳимоячи Маттейс де Лигт борасидаги биринчи таклифидан норози, дея хабар бермоқда журналист Альфредо Педулла.
Педулланинг сўзларига кўра, клублар ўзаро музокараларни давом эттирмоқда. Ҳозирча ҳеч қандай муросага эришилмаган.
Хабар қилинишича, Мюнхен клуби 75 миллион евро ва бонуслар таклиф қилган, бироқ “Ювентус” бундан мамнун эмас, улар Де Лигт учун 80 миллион евро талаб қилмоқда.
Аввалроқ Маттейс немис клубини болалигидан қўллаб-қувватлаб келгани ва 2019 йилда Мюнхен жамоаси лагерига ўтишни хоҳлагани, кейин эса трансфер суммаси жуда катта бўлгани учун “Бавария” музокаралардан воз кечгани хабар қилинганди.