"Тоттенҳем" яримҳимоячиси Рафаэль Ван дер Ваарт клубда қолишни хоҳламоқда, аммо бу ерда бош мураббий Ҳарри Реднаппнинг янги шартнома тузиши жуда муҳим.
Сўнгги пайтларда 29 ёшли голландияликни "Шальке" билан боғламоқдалар. Аммо клуб бошида Реднапп турар экан, Рафаэль жамоани тарк этмоқчи эмас. Реднаппнинг шартномаси бир йилдан сўнг ниҳоясига етади.
"Ҳа, бу жуда муҳим (Реднаппнинг шартномани узайтириши). У фантастик натижаларга эришди ва мен ҳеч вандай муаммо кўрмаяпман. Ўйлайманки, у янги шартнома тузади, бунга умид қиламан. Бу жамоага ҳам фойдали, жамоа унинг узоқ вақт ишлашини билса, ҳар томонлама яхши.
Кетаман, деб ўйламайман. Бошқа клублардан қизиқишлар ҳар доим бўлган. Аммо мен Англияда бахтлиман ва шу ерда қолишни истайман. Футболда ҳамма нарса содир бўлиши мумкин, бу - менинг демоқчи бўлганларимнинг ҳаммаси", - дея Ван дер Ваартнинг сўзларини келтиради Sky Sports.
