Ҳимоячи Калиду Кулибали ёзда “Наполи”ни тарк этиши мумкин.
Журналист Жанлука Ди Марционинг фикрича, агар Маттейс де Лигт клубини ўзгартирса, Кулибали "Ювентус"нинг устувор вариантидир. “Ювентус” спорт директори Федерико Черубини агент Фали Рамадани билан “Фиорентина” ҳимоячиси Никола Миленковичнинг келажаги ҳақида ҳам гаплашди.
"Ювентус" де Лигт учун оладиган пул миқдорига қараб, клуб Кулибали ва Миленкович учун курашиш ёки йўқлигини ҳал қилади.
Агар Кулибалининг ўзи "Наполи"ни тарк этса, "Барселона"га ўтишни афзал кўрган бўларди. Калиду неаполликлар сафини тарк этиб, А Серияда қолишни истамайди. Унга шунингдек "Челси"дан ҳам қизиқиш бор.
Бундан ташқари, "Наполи" футболчининг "Ювентус"га ўтишига тўсқинлик қилиши мумкин. Охирги марта "Наполи"дан "Юве"га трансфер 2016 йилнинг ёзида амалга оширилган, ўшанда Гонсало Игуаин Турин клубига келиб қўшилганди.
Ҳозирги вазият "Ювентус" учун осон эмас. Бироқ, клуб Де Лигтнинг кетишига тайёр бўлиш учун Кулибали ва Миленкович билан музокараларни давом эттириш ниятида.
