Июнь бошида "Валенсия" яна бир мураббий истеъфосини эълон қилди. Бу сафар Хосе Бордалас кўршапалаклар сафини тарк этди. Испаниялик мураббий клубда атиги бир мавсум ишлади. Унинг қўл остида жамоа Ла Лигада 9-ўринни эгаллади ва Қироль кубоги финалига чиқди. Бироқ, бу раҳбарият учун катта муваффақият эмас эди. Натижада Бордалас клубни тарк этди. Унинг ўрнига Женнаро Гаттузо келди.
Италиялик футболчининг ҳақиқий мураббийлик фаолияти “Милан”га қайтиш билан бошланди. Мутахассис ўз ишига жонини бағишлади ва ҳатто клубдан кетиш олдидан маошидан ҳам воз кечди. Бу олийжаноблик эди, лекин умуман олганда, Гаттузо "россонери"нинг бошида катта муваффақиятларга эриша олмади. Шунга қарамай, у янги клуб танлашга эҳтиёткорлик билан ёндашди. Италиялик футболчи А Сериянинг ўрта клубларининг бир нечта таклифларини рад этди. У бош мураббий этиб тайинланганидан 3 ҳафта ўтиб, трансфер масалаларидаги келишмовчиликлар туфайли "Фиорентина"ни тарк этди.
Гаттузо тажриба орттириш учун ҳеч қандай ишни олмади. У сабр кўрсатди ва амбициялари бўлган клублардан таклифларни кутди, гарчи у ўзи ҳам бу амбицияларга тўлиқ жавоб бермаган бўлса ҳам. Гаттузо "Наполи" билан Италия кубогини ютган, аммо 2020/21 йилги мавсум охирида жамоани Чемпионлар лигасига олиб чиқа олмади.
“Адзурри” эгаси Аурелио Де Лаурентис мутахассисга янги шартнома таклиф қилмади. Гарчи ўша вақтга келиб томонлар ўртасидаги муносабатлар аллақачон бузилган бўлса-да, ҳар қандай ҳолатда ҳам ҳамкорликни давом эттириш кўзда тутилмаганди.
Бундан келиб чиқиб, италияликнинг “Валенсия”га тайинланиши ғалати кўринади. У бир авторитар шахснинг клубидан яна худди шу каби клубга ўтди. Қолаверса, Питер Лим билан ишлаш Де Лаурентис билан ишлашдан кўра қийинроқ. “Кўршапалаклар” эгаси мураббийларни қўлқопдек алмаштиради. Кўз очиб-юммасдан, Испания Кубогида ғолиб чиққан Марселинони ҳайдаб юборди. Дарвоқе, ундан кейин бирорта мураббий клубда 1 йилдан ортиқ қолмади. Алберт Селадес, Хави Грасия, Хосе Бордалас - барчаси "Валенсия"да атиги бир мавсум ишлаган.
Клуб ичида ҳам нотўғри ишлар қилиняпти. Грасия ўз вақтида раҳбарият таркибни тўлдириш бўйича берган ваъдасини бажармаганини таъкидлаган эди. Мутахассис таркибда бор футболчилар билан ишлашга мажбур бўлди.
Гаттузонинг ўзига яраша обрўсини бор клуб эгалари унга шароит яратиб берадими, деган савол тугъилади. Ҳимоячи Хосе Гая ва ярим ҳимоячи Карлос Солер бир йиллик шартномага эга. Қанот ҳимоячиси Гонсалу Гедешнинг шартномаси тугашига 2 йил қолди, аммо клубдан кетиши мумкинлиги ҳақида очиқ гапирди. Жамоанинг энг кучли уч футболчисининг келажаги ноаниқлигича қолмоқда.
"Валенсия" тез орада мавсумолди тайёргарликни бошлаши керак, аммо клуб трансфер бозорида ҳеч нарса қилмаяпти. Янги футболчиларни қўлга киритиш учун "Валенсия" ўз футболчиларини сотиши керак. Солер, Гедеш ва Гая муносиб пул олишлари мумкин бўлган ягона одамлардир. “Кўршапалаклар” ўзларининг энг яхши футболчиларини сотишни хоҳламайдилар, бошқа ижрочиларга эса талаб йўқ.
Бундай қийин иш жойи Гаттузонинг ўзига керакми, бу бошқа савол. Катта эҳтимол билан мутахассисга қайта қуриш эмас, кучли жамоа ваъда қилинган. Лекин аслида ҳаммаси худди “Фиорентина”дагидек бўладиганга ўхшайди. Миш-мишларга кўра, италиялик ўзининг янги клубининг трансфер бозоридаги ҳаракацизлигидан аллақачон норози бўла бошлаган.
Ҳозирда "Валенсия" трансфер бозорида ожиз. Клубда янги ўйинчилар учун пул йўқ, уларни рўйхатдан ўтказиш учун эса жамоадан кимдир кетиши керак. Гаттузода эса таркибни кучайтириш учун жиддий рўйхат бор, унга ҳатто Эдинсон Кавани ҳам киритилган. Клуб мураббий билан қандай муносабатда бўлиши ва “кўршапалаклар” келажаги қандай бўлиши ҳозирча аниқ эмас.
