Аргентина терма жамоаси ҳужумчиси Анхель Ди Мария “Ювентус”га ўтишини якунлаш учун Туринга етиб келди. Журналист Фабрицио Романо ўйинчининг самолётдан тушаётгани акс этган видеони твиттерда қолдирди.
Аввалроқ, 8 июль, жума куни Ди Мария “Ювентус” билан шартнома имзолашдан олдин тиббий кўрикдан ўтиши маълум бўлган эди. Аргентиналик футболчи 1 йил муддатга шартнома имзолайди.
1 июл куни 34 ёшли аргентиналик футболчининг "ПСЖ" билан шартномаси якунлангани сабабли эркин агентга айланди. У парижликлар сафида 2015 йилдан буён ўйнаб келаётган эди.
Ди Мария ўтган мавсумда 31 ўйинда майдонга тушиб, 5 гол урди ва 9 голга ассистентлик қилди.