Ҳужумчи Брайан Бробби “Лейпциг”ни тарк этиб, фаолиятини АПЛда давом эттириши мумкин.
Bild хабарига кўра, "Манчестер Юнайтед" 20 ёшли футболчига қизиқиш билдира бошлаган.
"Қизил иблислар"нинг янги бош мураббийи Эрик тен Хаг ўз ҳамюрти билан яна бирга ишламоқчи ва улар бу имкониятни аллақачон телефон орқали муҳокама қилишган.
"Лейпциг" ҳужумчини камида 15 миллион еврога сотишга рози.
Бундеслигада ўтган мавсумда Бробби 9 ўйинда майдонга тушди ва гол ура олмади. Мавсумнинг иккинчи ярмини "Аякс"да ижарада ўтказган форвард 11 та учрашувда 7 та гол урди.
