Франция терма жамоаси ҳужумчиси Карим Бензема дублльга эришган Эстония билан ўртоқлик учрашувидан сўнг (4:1) жуда яхши кайфиятда бўлди.
"Биз вазиятлар яратиб, голлар уриб роҳатландик, қувондик. Бундай муҳитда ўйнаш ва ғалаба қозониш муҳим. Сўнгги ўйинимизда биз Рибери билан ўзаро тил топишдик. У билан ўйнаш осон. Мен гол урганимдан хурсандман.
Ҳамма вақт ҳам ўйин чиқавермайди. Лекин мен хотиржам бўлдим, диққатимни жамладим. Ҳужумчи нафақат гол уриши, балки шерикларини ҳам таъминлай олиши керак. Биз учта яхши ўйин ўтказдик. Энди биз Европа чемпионатига тайёрмиз" - дея Бенземанинг сўзларини келтиради AFP.