"Кристал Пэлас" ҳужумчиси Уилфрид Заханинг агенти "Рома" билан музокара ўтказди. Журналист Жанлука Ди Марцио ўз сайтида хабар беришича, Рим клубига Кот-д'Ивуар терма жамоаси футболчисини таклиф қилишган.
"Рома" 29 ёшли ивуарлик футболчига қизиқиш билдирмоқда, бироқ ҳужумчи билан шартнома имзолаш бўйича музокараларга ҳозирча тайёр эмас. Клуб сотиб олиш бўйича музокараларни бошлаш учун шу ёзда жамоадаги ҳужумкор ўйинчилардан бирини сотишни кутмоқда.
Заханинг амалдаги шартномаси 2023 йилгача мўлжалланган. Transfermarkt портали футболчининг нархини 38 миллион еврога баҳоламоқда.
Заха ўтган мавсумда барча турнирларда 37 та ўйинда майдонга тушиб, 15 та гол урди ва 2 та голли узатмани амалга оширди. Унда 4 та сариқ ва 1 та қизил карточка ҳам бор.
