"Наполи"да ярим ҳимоячи Фабиан Руис ва ҳимоячи Калиду Кулибалига таклиф йўқ. Бу ҳақда клуб спорт директори Кристиану Жунтоли маълум қилди.
“Кулибали биз учун асосий футболчи. Бизда у учун ҳеч қайси клубдан таклиф йўқ. Унга йилига 6 миллион евро эвазига янги шартнома ва келажакда клуб тизимидан жой таклиф қилдик. Бу жуда катта таклиф, Кулибали бунга лойиқ.
Фабиан Руис учун ҳам бизда битта таклиф йўқ. У Неаполда бўлишни яхши кўради, лекин ҳозир вариантларни ўрганмоқда. Унинг биз билан қолишини истаймиз", - дея фунционернинг сўзларини келтиради журналист Фабрицио Романо.
