Ҳужумчи Дрис Мертенс фаолиятини АПЛ клубларидан бирида давом эттириши мумкин. Daily Mail хабарига кўра, унга "Лидс" ва "Ньюкасл"дан таклифлар тушган.
Мертенснинг "Наполи" билан шартномаси шу йилнинг ёзида якунига етади. Неаполликлар клуби бельгиялик футболчига йилига 2,5 миллион евро маош билан янги шартнома таклиф қилганига қарамай, Мертенс Италия жамоасини тарк этишга қарор қилди.
Аввалроқ, қанот ҳужумчисининг вакиллари унинг хизматларини бир қанча клубларга, жумладан "Рома" ва "Марсель"га ҳам таклиф қилгани ҳақида маълумотлар пайдо бўлганди.
Мертенс ўтган мавсумда "Наполи" сафида 37 та ўйинда майдонга тушиб, 13 та гол урди ва 2 та голли узатмани амалга оширди.
