"Кристал Пэлас" матбуот хизмати "Ланс"нинг малилик ярим ҳимоячиси Шейк Дукуренинг трансферини расмий сайтида эълон қилди.
Трансфер суммаси 21 миллион еврони ташкил қилди. Футболчи инглиз клуби билан 2027 йилнинг ёзига қадар шартнома имзолаган.
22 ёшли Дукуре француз клубида 2018 йилдан буён фаолият олиб бораётган эди. Умуман олганда, у клуб учун барча мусобақаларда 130 та ўйин ўтказиб, 8 та гол урди ва 7 та голли узатмани амалга оширди. У Мали терма жамоасида саккизта ўйин ўтказган.