"Реал"нинг афсонавий ҳужумчиси Уго Санчес "ПСЖ" ҳужумчиси Килиан Мбаппе келажакда "Қироллик клуби" футболчисига айланишига ишонч билдирмоқда.
"Килиан аниқ йўқ демади. У "Реал Мадрид"ни катта босим туфайли рад этди. Келажакда у "Реал"да ўйнашига ишонаман", - дея Санчеснинг сўзларини келтиради Маrcа нашри.
Эслатиб ўтамиз, "Реал Мадрид" Мбаппе билан узоқ вақт музокара олиб борди, аммо сўнгги дақиқада ҳужумчи Парижда қолишга қарор қилди. У "ПСЖ" билан 2025 йилгача шартнома имзолади.
Килиан ўтган мавсумда клубда 46 та ўйинда майдонга тушиб, 36 гол ва 26 голга ассистентлик қилган.
