"Манчестер Юнайтед" Каталония клубидан ярим ҳимоячи Френки де Йонг билан жума кунига қадар келишувга эришишни талаб қилди.
Душанба куни инглиз клуби вакиллари Каталония пойтахтида бўлишди. TalkSport хабарига кўра, "Юнайтед" каталонияликлардан Де Йонгнинг келажаги масаласини ҳафта охиригача ҳал қилишни талаб қилган.
Олдинроқ "Манчестер Юнайтед" "Барса" билан трансфер суммаси борасида келишиб олгани, бироқ ярим ҳимоячи олдидаги маош қарзлари ўтишда тўсиқ бўлгани ҳақида хабар берилганди.
Ўтган мавсумда футболчи Ла Лигада 32 та ўйин ўтказиб, 3 та гол урди ва 3 та голли узатмани амалга оширди.
