"Тоттенхэм" бош мураббийи Антонио Конте журналистларга Лондон клубида фаолиятини давом этиш қарори у учун қийин бўлмаганини айтди.
"Мен доим айтганман, мавсум якунида клуб билан гаплашиш ва клуб қарор қабул қилиши мен учун жуда муҳим эди. Менинг катта амбицияларим бор. Ўйлайманки, ўтган мавсумда кучли тўртликдан жой олиш биз учун яхши ютуқ, аммо бу ҳали бошланиши", деди Конте Жанубий Кореядаги мавсумолди йиғинида матбуот анжуманида.
Италиялик мутахассис ёзги мавсум оралиғида таркибни кучайтириш учун кафолат олиш муҳимлигини таъкидлади.
