"Лацио" ҳимоячиси Франческо Ачерби фаолиятини "Наполи"да давом эттириши мумкин, деб ёзди журналист Жанлука Ди Марцио ўз сайтида.
Манбага кўра, 34 ёшли италияликнинг трансфер суммаси тахминан 5 миллион еврони ташкил қилиши мумкин. Transfermarkt портали футболчининг нархини 4 миллион еврога баҳоламоқда.
Олдинроқ "Милан" ёзда "Лацио"ни тарк этиши мумкин бўлган Ачербига қизиқиш билдираётгани хабар қилинганди.
Ачерби ўтган мавсумда 36 ўйинда майдонга тушиб, 4 гол ва 2 голга ассистентлик қилган.