"Торино" президенти Урбано Кайро ҳимоячи Глейсон Бремерни камида 50 миллион еврога сотмоқчи эканлигини айтди.
Аввалроқ, 25 ёшли бразилиялик футболчига "Ювентус" ва "Интер" даъвогарлик қилаётгани хабар қилинганди.
“Бу Глейсон учун тўғри нарх. Агар муносиб таклиф тушса, уни қўйиб юборишга розилигимни айтдим. Ҳозир мен “Интер”дан Шкриньярнинг 70 миллион еврога баҳоланиши ҳақида гап-сўзларни кўряпман. Ҳурмат билан айтаманки, Бремер учун белгиланган нарх матбуотда пайдо бўлганидан анча юқори", - дея Кайро сўзларини келтиради Goal.
2021/22 йилги мавсумда Бремер “Торино” сафида 33 та ўйинда майдонга тушиб, 3 та гол урди ва 1 та голли узатмани амалга оширди. Transfermarkt.com портали футболчининг нархини 35 миллион еврога баҳоламоқда.
