Собиқ ҳужумчи Уэйн Руни "Дерби Каунти" билан хайрлашганидан сўнг мураббийлик фаолиятининг янги босқичини бошламоқда. Энди у МЛСда "Ди Си Юнайтед"га мураббийлик қилади.
"Баъзи нашрларни кўрдим, айниқса Англияда қарорим орқага қадам деб аталган. Менимча, бу чемпионатга ва ўзимга нисбатан ҳурмацизликдир. Бутун дунёга танилган футболчи бўлганимда, менда кетишни танлаш имконияти бор эди. Мураббий сифатида фаолиятингизни бошлаганингизда, танлов камроқ бўлади. Буни орқага қадам деб ҳисобламайман, бу ерда мураббий сифатида ривожлана оламан", - деди Руни клуб матбуот хизматига берган интервьюсида.
