“Россия-2” каналида намойиш этиладиган “Удар головой” кўрсатувининг бугунги сонида меҳмон бўлган "Спартак" бош директори Валерий Карпин яна бир бор барчани ҳарйон қолдирди. У бир неча йил олдин Владимир Бистровнинг “Спартак”дан “Зенит”га ўтишидаги тафсилотлар билан ўртоқлашди. Жумладан, “Спартак” раҳбари Леонид Федунни бунга мажбур қилишган экан.

- Ушбу мавсумда сиз кўп маротаба “Зенит”нинг қўли узунлиги ҳақидаги турли фаразларни илгари сурдингиз?

- Йўқ, ҳеч нарсани тўқиманг, мен унақа деганим йўқ. 

- Мисол учун, Бистровнинг трансферида маъмурий аралашув ҳақида гапирдингиз.

- Ҳа, бу воқеа 2009 йилда бўлганди. Албатта, сўзимдан қайтмайман.

- Ким сизга қўнғироқ қилганди?

- Менга ҳеч ким. Леонид Арнольдовичга қилишганди. 

- Маъмуриятданми?

- Аҳа, Россия Федерацияси Президенти маъмуриятидан. 

- Нима дейишганди?

- Нима дейишарди? Бистровни “Зенит”га сотинглар деийшган. Сиз давлатимизда нималар бўлишини билмайсизми? Осмондан тушгандек гапирмасангизчи...

- Бу илтимосни бажармасликларинг мумкинмиди?

- Балким, мен қилмасдим. Леонид Арнольдовични билмадим...