GOAL нашри “олтин тўп–2022” учун асосий даъвогарлар рўйхатини тузиб чиқди.
Аёллар ўртасида "Барселона" футболчиси Алексия Путельяс Евро-2022 олдидан тиззасидан жиддий жароҳат олган ва операциядан кейин 12 ойгача майдонга туша олмаслигига қарамай, мукофотга биринчи номзод сифатида кўрсатилган. Путельяс "Олтин тўп"нинг амалдаги ғолиби ҳисобланади.
Эркаклар ўртасидаги рейтингда биринчи ўринни “Реал” ва Франция терма жамоаси ҳужумчиси Карим Бензема эгаллади.
Кучли бешликка, шунингдек, Садио Мане (“Ливерпуль”/"Бавария" ва Сенегал), Муҳаммад Салоҳ (“Ливерпуль” ва Миср), Килиан Мбаппе (“ПСЖ” ва Франция) ва Винисиус Жуниор (“Реал Мадрид” ва Бразилия) кирди.
