"Челси" бош мураббийи Томас Тухель "Тоттенхэм"ни ёзги трансфер ойнасидаги яхши иши учун мақтади.
"Биз “Манчестер Сити" ва "Ливерпуль" билан рақобатлашяпмиз, аммо “Тоттенхэм” ёзги мавсумни жуда агрессив ва сифатли ўтказди, шунинг учун сиз эҳтиёткор бўлишингиз керак. Ҳозирда "шпорлар" клуб тарихидаги энг яхши таркибга эга, шунингдек, сайёрамизнинг энг яхши мураббийларидан бири ҳам жамоада", - дея Тухель сўзларини келтиради BBC.
Эслатиб ўтамиз, ушбу ёзда "Тоттенхэм" 5 нафар футболчи билан кучайди: Клеман Лангле, Фрейзер Форстер, Ив Биссума, Ришарлисон ва Иван Перишич жамоага келиб қўшилди.
