"Манчестер Юнайтед" ҳимоячи Лисандро Мартинеснинг трансфери борасида "Аякс" билан келишиб олди, деб ёзмоқда журналист Руди Галетти Twitter'даги ўз саҳифасида.
Манкунианликлар 24 ёшли аргентиналик учун 54 миллион евро тўлайди. Аввалроқ инглиз клуби футболчи билан шахсий шартнома шартларини келишиб олгани ҳақида хабар берилганди.
Мартинес ўтган мавсумда Амстердам учун барча мусобақаларда 36 ўйинда 1 гол урди ва 4 голга ассистентлик қилди. Унинг клуб билан шартномаси 2025 йилнинг 30 июнига қадар амал қилади.