"Брентфорд" матбуот хизмати расмий сайтида "Днепр-1" ярим ҳимоячиси ва Украина ёшлар терма жамоаси аъзоси Егор Ярмолюкнинг трансфери ҳақида маълум қилди.
Трансфер суммаси ошкор қилинмади. Футболчи инглиз клуби билан яна бир йилга узайтириш имконияти билан 2025 йилнинг ёзига қадар шартнома имзолади.
18 ёшли Ярмолюк 2020 йилдан буён “Днепр-1”да ўйнаб келаётган эди. У клуб сафида жами 21 ўйин ўтказиб, битта гол урган. У Украина ёшлар терма жамоаси сафида тўртта ўйин ўтказган.