Туриннинг “Ювентус” клуби ҳимоячи Маттейс де Лигт билан шартномани узайтириши мумкин. Бу ҳақда La Gazette Dello Sport хабар берди.

Унга кўра, Турин клуби Де Лигт учун камида 80-90 миллион евро олиш ниятида. 22 ёшли нидерландиялик футболчига асосий давогар "Бавария" бўлиб турибди, улар ҳали "кекса синьора"нинг талабларини қондиришга тайёр эмас. Агар бу амалга ошмаса, "Ювентус" Маттейс билан шартномани узайтириши мумкин.

Ўз навбатида "Бавария" ҳам "Ювентус" билан музокара олиб боришига ишонмоқда. Мюнхен клуби келаси ҳафта бошида Де Лигт шартномасини якунлашни режалаштирмоқда.

Олдинроқ, "Ювентус" бош мураббийи Массимилиано Аллегри Де Лигт Турин клубини тарк этаётганини тасдиқлаган эди. Маттейснинг ўзи очиқчасига "Бавария"да ўйнаш истагини билдирди.

Ўтган мавсумда нидерландиялик футболчи “Ювентус” сафида 42 та ўйинда қатнашиб, 3 та гол урди ва 1 та голли узатмани амалга оширди.