"Манчестер Юнайтед" жамоаси бош мураббийи Эрик тен Хаг ўз жамоаси сафида кўришни жуда истаётган футболчи трансфери деярли якунланди. Журналист Фабрицио Романонинг ижтимоий тармоқларда хабар беришича, “қизил иблислар” Амстердамнинг “Аякс” клубидан Лисандро Мартинеснинг трансфери борасида келишиб олган.
"Аякс" ўз футболчиси учун бонуслар билан бирга 55 миллион евро ишлаб олади. Аргентиналик футболчи “Манчестер Юнайтед” билан 2027 йилгача шартнома имзолайди. Эслатиб ўтамиз, Мартинесда Лондоннинг "Арсенал" клубига ўтиш имконияти ҳам бор эди.
Шу тариқа, Мартинес "Манчестер Юнайтед"нинг ушбу трансфер ойнасидаги учинчи трансфери бўлиши керак. Клуб аввалроқ “Фейеноорд” клубидан Тирелл Маласиа ва Кристиан Эриксенни эркин агент сифатида ўз сафига қўшиб олганди, бироқ даниялик футболчининг трансфер ҳали расман эълон қилинмаган.
