"Бавария" ярим ҳимоячиси Лерой Саненинг агенти ўз мижозининг хизматларини иккита топ-клубга таклиф қилди. Бу жамоалар - "Челси" ва "Реал"дир, деб хабар беради Marca нашри.

Манба берган хабарга кўра, "Бавария" ўз футболчисини сотмоқчи эмас, бироқ Саненинг ўзи фаолиятини бошқа клубда давом эттириш вариантларини кўриб чиқмоқда, шу сабабли у агентдан ўзи учун янги вариантлар топишни сўраган.

Эслатиб ўтамиз, Сане 2020 йилнинг ёзида "Манчестер Сити"дан "Бавария"га кўчиб ўтган ва шундан бери клуб билан икки марта Германия Бундеслигасида ғолиб чиққан. Ўтган мавсумда футболчи чемпионатда 7 та гол урди ва 7 та голли узатмани амалга оширди.