"Челси" бош мураббийи Томас Тухель жамоанинг янги футболчиси Рахим Стерлингнинг кучли томонлари ҳақида гапирди.
Эслатиб ўтамиз, чоршанба куни "Челси" 27 ёшли вингернинг "Манчестер Сити"дан сотиб олганини расман эълон қилган эди. Англиялик футболчи "кўклар" билан 5 йиллик шартнома имзолади ва трансфер суммаси бонусларни ҳисобга олмаганда 50 миллион еврони ташкил қилди.
"Унинг асосий кучи - бу шиддат ва ҳар бир ўйинда жуда кўп шиддатли югуришни амалга ошириш қобилияти. Биз унга қарши ўйнаганмиз, айтишим мумкинки, унга қарши ўйнаш даҳшатли!”, - деди Тухель.
Ўтган мавсумда Стерлинг "Манчестер Сити" сафида 47та ўйинда майдонга тушиб, 17та гол урган ва 9та голга ассистентлик қилган.
